АНЦУКЕВІЧ Іван Пятровіч

[1894, мяст. Ельск Мазырскага пав. Мінскай губ., цяпер райцэнтр Гомельскай вобл. – ?]. З сям’і службоўца. Меў незакончаную вышэйшую адукацыю. Працаваў настаўнікам школы в. Слабада Смалявіцкага р-на Мінская вобл. Быў жанаты, гадаваў двое дзяцей. Арыштаваны 27.9.1937. Асуджаны 13.7.1938 пазасудовым органам НКВД за “контррэвалюцыйную агітацыю” да 7 гадоў ППЛ і 5 гадоў пазбаўлення правоў. Далейшы лёс невядомы. Рэабілітаваны пленумам Вярхоўнага Суда БССР 25.4.1960. Асабовая справа А. № 16322-с захоўваецца ў архіве КДБ Беларусі.