ШМЫГЛЕЎСКІ (ШМЫГЛЕВСКИЙ) Антоній Васілевіч

[1876, в. Перавалачная Аршанскага пав. Магілёўскай губ., цяпер Талачынскі р-н Віцебскай вобл. — ?], дыякан. Беларус. З сялянскай сям’і. Служыў у Крычаве Магілёўскай вобл. Быў жанаты, меў пяцёра дзяцей (н. ў 1904—17). Арыштаваны 14.4.1933. Асуджаны калегіяй АДПУ 9.6.1933 за «антысавецкую агітацыю» і як «удзельнік контррэвалюцыйнай царкоўна-паўстанцкай арганізацыі» да 3 гадоў ППК. Далейшы лёс невядомы. Рэабілітаваны пракуратурай БССР 17.7.1989. Групавая справа Ш. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.