ХЕРАВЕЦ Васіль Цітавіч

[1877, в. Аздзяцічы Барысаўскага пав. Мінскай губ., цяпер Барысаўскі р-н Мінскай вобл. — 17.12.1937, ГУЛАГ]. З сялянскай сям’і. У 1920-я г. член царкоўнага савета Раства-Багародзіцкай прыходскага храма ў роднай вёсцы. Быў жанаты, меў пяцёра дзяцей. Арыштаваны 5.8.1937. Асуджаны тройкай НКВД 16.9.1937 за «антысавецкую дзейнасць» да 10 гадоў ППК. Этапаваны ў Кулойскі канцлагер НКВД Архангельскай вобл. Загінуў у зняволенні. Рэабілітаваны пракуратурай БССР 21.6.1989. Асабовая справа Х. № 24184-с з фотаздымкам захоўваецца ў архіве КДБ Беларусі.

Кр.: НГАБ, ф. 2786, в. 1, с. 67.