СМІРНОЎ (СМИРНОВ) Васілій Нікіфаравіч

[1885, мяст. Янавічы Віцебскага пав., цяпер Віцебскага р-на  — ?]. Беларус. З сялянскай сям’і. Служыў званаром у Свята-Троіцкай (?) царкве ў родным мястэчку. Быў жанаты, гадаваў сыноў: Леаніда (н. ў 1915), Мікалая (1916), Міхаіла (1922). Арыштаваны 11.3.1933. Асуджаны калегіяй АДПУ 9.6.1933 за «антысавецкую агітацыю» і як «удзельнік контррэвалюцыйнай царкоўна-паўстанцкай арганізацыі» да 3 гадоў пазбаўлення волі. Высланы ў Казахстан. Далейшы лёс невядомы. Рэабілітаваны пракуратурай БССР 17.7.1989. Групавая справа С. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.