СІМАНОВІЧ (СИМОНОВИЧ) Іван Канстанцінавіч

[1861, в. Сукневічы Барысаўскага пав. Мінскай губ., цяпер Лагойскі р-н Мінскай вобл. — 20.11.1938, Магілёў, турма НКВД]. З сялянскай сям’і. У 1920-я г. член царкоўнага савета Мікалаеўскага храма ў мяст. Хатаевічы Барысаўскай акругі. Падчас арышту працаваў сталяром на Бабруйскім ільнокамбінаце. Арыштаваны 16.7.1938. Асуджаны асобай нарадай пры НКВД 15.11.1938 як «агент польскай разведкі» да ВМП з канфіскацыяй маёмасці. Расстраляны. Рэабілітаваны Вярхоўным судом БССР 16.1.1989. Асабовая справа С. № 11444 захоўваецца ў архіве УКДБ Магілёўскай вобл. Беларусі.

Кр.: НГАБ, ф. 2786, в. 1, с. 67.

[From the book: vol. II, pp. 286–287]