СІВАКОЎ (СИВАКОВ) Фока Іванавіч

[1866, в. Палкі Быхаўскага пав. Магілёўскай губ., цяпер Быхаўскі р-н Магілёўскай вобл. — ?], святар. Беларус. З сялянскай сям’і. Скончыў гарадское вучылішча, рукапаложаны ў іерэя. У 1910-я г. настаяцель Пакроўскага храма в. Язёры Магілёўскага пав. Да арышту служыў у царкве в. Сялец-Ануфрыеўка (?) Мсціслаўскага пав. Арыштаваны 17.3.1932. Асуджаны з дыяканам храма Ціханам Банбенкам і інш. калегіяй АДПУ 11.5.1932 за «антысавецкую агітацыю і прапаганду» да 3 гадоў пазбаўлення волі. Далейшы лёс невядомы. Рэабілітаваны пракуратурай Магілёўскай вобл. 11.7.1989. Групавая справа С. і інш. № 10069 захоўваецца ў архіве УКДБ Магілёўскай вобл.

Кр.: Памятная книжка Могилевской губернии; НАРБ, ІКБР; БНДЦЭД.

[From the book: vol. II, pp. 284–285]