КАЗАКОВА (КОЗАКОВА) Анастасія Філімонаўна

[1879, в. Корасць Полацкага пав. Віцебскай губ., цяпер Шумілінскі р-н Віцебскай вобл. — ?], сястра Елены, Акіма і Івана Казаковых. Беларуска. З сялянскай сям’і. Да арышту манахіня Спаса-Еўфрасінеўскага манастыра ў Полацку. Арыштавана 26.5.1932 у роднай вёсцы. Абвінавачвалася ў «антысавецкай агітацыі». Вызвалена 21.8.1932. Далейшы лёс невядомы. Рэабілітавана 30.11.1989 пракуратурай Віцебскай вобл. Асабовая справа К. № 20810-п захоўваецца ў архіве УКДБ Віцебскай вобл.

Кр.: БНДЦЭД.