ІГНАЦІЙ (АСТАНІН)

[Інакенцій Пятровіч; 1909, Дзвінск Віцебскай губ., цяпер Даўгаўпілс, Латвія — 2.1.1938, Ленінград, турма НКВД], іераманах. Рускі. Манашаскі пострыг прыняў у 1929. З 1930 служыў у Мікалаеўскім храме ў Ленінградзе. Арыштаваны 23.12.1930. Асуджаны 10.2.1931 да 5 гадоў ППК з канфіскацыяй маёмасці. Пасля вызвалення жыў у Мурманску. Працаваў рахункаводам на 1-м цагельным заводзе. Зноў арыштаваны 28.9.1937. Прыгавораны 30.12.1937 тройкай НКВД за «антысавецкую дзейнасць» да ВМП. Расстраляны. Рэабілітаваны пракуратурай Мурманскай вобл. 20.4.1989.

Кр.: Синодик Санкт-Петербургской епархии; Афіцыйны сайт Віцебскай епархіі.