ЗДАНКО Пракофій Яфімавіч

[27.2.1879, Слуцк Мінскай губ., цяпер райцэнтр Мінскай вобл. — ?]. Беларус. З мяшчанскай сям’і. У 1910-я г. акалодачны наглядчык Мінскага гарадскога паліцэйскага ўпраўлення. У 1920-я г. дыякан Слуцкага Свята-Мікалаеўскага сабора. Быў жанаты, меў двое дзяцей. Арыштаваны 11.9.1929. Асуджаны са святарамі Мінскай епархіі Яўгеніем Каржанеўскім, Сергіем Рункевічам, Васіліем Цярноўцам 20.11.1929 асобай нарадай пры АДПУ за «антысавецкую агітацыю» дa 3 гадоў ППК. Далейшы лёс невядомы. Рэабілітаваны 26.3.1992 пракуратурай Мінскай вобл. Асабовая справа З. №  33599-с захоўваецца ў архіве КДБ Беларусі.

Кр.: Памятная книжка Минской губернии; НАРБ, ІКБР.