ГРУШЭЎСКІ (ГРУШЕВСКИЙ) Аляксандр Маркавіч

[1882 — 1955], протаіерэй. З 1905 псаломшчык Дзімітрыеўскага храма в. Перароў (тагачасны паштовы адрас: ст. Тураў) Мазырскага пав. Мінскай губ., цяпер Жыткавіцкі р-н Гомельскай вобл. З 1908 служыў у Раства-Багародзіцкім храме в. Дзямідавічы Рэчыцкага пав. Мінскай губ., цяпер в. Дзямідаў Нараўлянскага р-на Гомельскай вобл. З 1912 — у Пакроўскай царкве мяст. Пагост-Загародскі Пінскага пав. Мінскай губ., цяпер Пінскі р-н Брэсцкай вобл. З 1929 працаваў на гаспадарцы. У 1943 рукапаложаны ў іерэя. Служыў у Параскева-Пятніцкім храме в. Жабчыцы, цяпер Пінскі р-н Брэсцкай вобл. З 1946 настаяцель Пакроўскай царквы ў мяст. Іванава, цяпер райцэнтр Брэсцкай вобл. Арыштаваны ў 1946. Вызвалены ў 1954.

Дачка святара Марыя жыла ў Пінску Брэсцкай вобл.

Кр.: Архіў Мінскага епархіяльнага ўпраўлення, ф. 1, в. 2; За  Христа пострадавшие.