ГІРАНСКАЯ-КАЛАСОЎСКАЯ (ГИРАНСКАЯ-КОЛОСОВСКАЯ) Варвара Пятроўна

[1882, Мінск — 19.1.1938, Мінск, турма НКВД]. Беларуска. Дачка Пятра Гіранскага* . Атрымала сярэднюю адукацыю. Працавала настаўніцай прыходскага духоўнага вучылішча ў Ігумене Мінскай губ., цяпер Чэрвень Мінскай вобл. Выйшла замуж, гадавала двое дзяцей. Арыштавана 14.10.1937 у Чэрвені па адрасе: вул. Варонежская, д. 20. Асуджана 19.11.1937 тройкай НКВД за «антысавецкую агітацыю і шкодніцтва» да ВМП з канфіскацыяй маёмасці. Расстраляна. Рэабілітавана прэзідыумам Мінскага абл. суда 17.8.1957. Асабовая справа Г. № 10715-с захоўваецца ў архіве КДБ Беларусі.

Кр.: Памятная книжка Минской епархии; БНДЦЭД.