БАЗЫЛЕЎСКІ (БАЗИЛЕВСКИЙ) Генадзій Сямёнавіч

[1878, в. Слабодка Лепельскага пав. Віцебскай губ., цяпер Бешанковіцкі р-н Віцебскай вобл. — ?], верагодна, брат Аркадзія Сямёнавіча Базылеўскага* . Украінец. З сялянскай сям’і. У 1920-я г. настаяцель Мікалаеўскай царквы ў в. Слабодка. Арыштаваны 2.1.1930. Асуджаны з шэрагам інш. святароў Полацка-Віцебскай епархіі 16.6.1930 асобай нарадай пры АДПУ за «антысавецкую агітацыю» дa 3 гадоў высылкі. Далейшы лёс невядомы. Рэабілітаваны 27.11.1989 пракуратурай Віцебскай вобл. Асабовая справа Б. № 21053-п захоўваецца ў архіве УКДБ Віцебскай вобл.

Кр.: БНДЦЭД.