ШАВЕЛЬ Уладзімір

[1910-я г., Віленская губ. — 1942 (?)], бел. вайсковы дзеяч, юрыст. Скончыў Віленскую беларускую гімназію і юрыдычны ф-т Віленскага ун-та. У 1941 з дазволу нямецкіх акупацыйных уладаў арганізаваў аддзелы бел. паліцыі на Міншчыне. Уваходзіў у Галоўную Раду БНС. Удзельнік бел. нацыянальнага падполля. У 1942 стварыў нацыянальны партызанскі аддзел на Барысаўшчыне, наладзіў выданне падпольнай літаратуры. Паводле адной з версій, забіты савецкімі партызанамі падчас перамоваў аб супрацоўніцтве. Яго памяці прысвяціў сваю кнігу ўспамінаў «Пад знакам Пагоні» (Таронта, 1976) Язэп Малецкі.

Літ.: Найдзюк Я., Касяк І. Беларусь учора і сяньня. Мн., 1993.