СУДЗІЛОЎСКІ Захар Фёдаравіч

[1903, в. Судзілы (?) Клімавіцкага пав. Магілёўскай губ., цяпер Клімавіцкі р-н Магілёўскай вобл. — ?], педагог. З сялянскай сям’і. Атрымаў вышэйшую адукацыю. Уступіў у ВКП(б). Падчас арышту дырэктар педагагічнага тэхнікума. Арыштаваны 8.2.1930 у Ак-Булаку. Асуджаны паводле пастановы калегіі АДПУ 16.4.1930 за «ўдзел у контррэвалюцыйнай кулацкай арганізацыі» да 5 гадоў канцлагера. Далейшы лёс невядомы. Рэабілітаваны судовай калегіяй па крымінальных справах Вярхоўнага суда БССР 13.6.1960. Асабовая справа С. № 7186-СН захоўваецца ў архіве УКДБ Магілёўскай вобл.

[From the book: vol. III, book 2, p. 326]