ЛАМАКА Канстанцін Данілавіч

[1898, в. Круціца Мінскага пав., цяпер Мінскі р-н — ?], рэдактар. З сялянскай сям’і. Атрымаў сярэднюю адукацыю. Працаваў тэхнічным рэдактарам у БелАН. Быў жанаты, гадаваў дзіця. Арыштаваны 24.7.1930 у Мінску. Асуджаны паводле пастановы калегіі АДПУ СССР 10.4.1931 за «шкодніцтва і антысавецкую агітацыю» да 5 гадоў пазбаўлення волі. Пакаранне адбываў ва Ульянаўску. Далейшы лёс невядомы. Рэабілітаваны судовай калегіяй па крымінальных справах Вярхоўнага суда БССР 15.11.1957. Групавая справа Л. і іншых № 20951-с з фотаздымкам захоўваецца ў архіве КДБ Беларусі.

Кр. геагр.: Назвы населеных пунктаў.