СУЦІН Ілья Аронавіч

[1897, Мінск — ?], навуковец. З мяшчанскай сям’і. Атрымаў вышэйшую адукацыю. Працаваў у Мінскім медыцынскім інстытуце. Быў жанаты, гадаваў траіх дзяцей. Арыштаваны 5.3.1931 у Мінску па адрасе: вул. Кастрычніцкая, д. 1, кв. 3. Асуджаны паводле пастановы калегіі АДПУ СССР 29.1.1932 як «член контррэвалюцыйнай шкодніцкай арганізацыі» да 3 гадоў ППК і 3 гадоў пазбаўлення правоў. Этапаваны ў Казахстан. Далейшы лёс невядомы. Рэабілітаваны ваеннай калегіяй Вярхоўнага суда БССР 27.7.1956. Асабовая справа С. № 6736-с захоўваецца ў архіве КДБ Беларусі.

[From the book: vol. III, book 2, p. 333]