СМУЛЬСКІ Казімір Феліксавіч

[1891, ст. Смульск Лодзінскага пав., цяпер Польшча — 13.4.1941, Беласток], службовец. З польскай рабочай сям’і. Атрымаў сярэднюю адукацыю. Да арышту старшыня Cаюза чыгуначнікаў (г. Аўгустоў Беластоцкага ваяв.). Быў жанаты, меў чацвярых дзяцей. Арыштаваны 8.11.1939. Абвінавачваўся як «агент аўгустоўскай паліцыі». Загінуў ў Беластоцкай турме. Рэабілітаваны 5.9.1989 пракуратурай Гродзенскай вобл. Асабовая справа С. № П-12411 з фотаздымкам захоўваецца ў архіве УКДБ Гродзенскай вобл.

[From the book: vol. III, book 2, pp. 301–302]