РОЗЕНГОЛЬЦ Аркадзь Паўлавіч

[1889, Віцебск — 15.3.1938, Масква, «Камунарка», НКВД], савецкі вайсковы і дзяржаўны дзеяч, кандыдат эканамічных навук. З купецкай сям’і. Удзельнік рэвалюцыі 1905—07 і Кастрычніцкага перавароту 1917. З 1918 член Рэўваенсавета Рэспублікі, рэўваенсаветаў шэрага армій Усх., Зах. і Каўказскага франтоў. З 1923 начальнік Ваенна-паветраных сіл РСЧА, нам. наркама, у 1930—37 наркам знешняга гандлю СССР. Член ВЦВК і ЦВК СССР у 1919—37, ЦКК ВКП(б) у 1927—34. Аўтар брашур і артыкулаў пра ўстанаўленне савецкай улады, знешні гандаль СССР і інш. Арыштаваны 7.10.1937 у Маскве па адрасе: вул. Серафімовіча, д. 2, кв. 237. Асуджаны 13.3.1938 тройкай НКВД за «ўдзел у контррэвалюцыйнай тэрарыстычнай арганізацыі» да ВМП. Расстраляны. Рэабілітаваны 4.2.1988 пленумам Вярхоўнага суда СССР.

Кр.: Расстрельные списки: «Коммунарка».

Літ.: БЭ, т. 18—1.