ПРОХАРАЎ Аркадзь Аляксеевіч

[17.4.1900, пас. Касцяёва Аршанскага пав. Магілёўскай губ., цяпер Лёзненскі р-н Віцебскай вобл. — 9.7.1938, Мінск, НКВД], навуковец. З сялянскай сям’і. Атрымаў вышэйшую адукацыю. Падчас арышту прафесар навукова-даследчага інстутыта харчовай прамысловасці БССР. Быў жанаты, гадаваў дваіх дзяцей. Арыштаваны 26.3.1938 у Мінску па адрасе: вул. Савецкая, д. 148, кв. 37. Асуджаны «тройкай» НКВД 25.5.1938 за «шпіянаж на карысць польскіх разведорганаў» да ВМП з канфіскацыяй маёмасці. Расстраляны. Рэабілітаваны трыбуналам БВА 28.1.1958. Асабовая справа П. № 11386-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.