БЕЛЕНЬКІ Абрам Якаўлевіч

Удзельнік рэвалюцыйнага руху. У 1903 на нелегальным партыйным сходзе арыштаваны і зняволены ў харкаўскую турму, пасля сасланы ў Оршу, дзе жыў пад наглядам паліцыі. У 1904 эміграваў у Францыю, уваходзіў у Парыжскую групу бальшавікоў. Пасля Лютаўскай рэвалюцыі 1917 вярнуўся ў Расію: загадваў друкарняй ЦК РСДРП(б) у Петра­градзе, удзельнічаў у падрыхтоўцы Кастрычнiцкага ўзброенага паўстання. Са снеж. 1917 камісар ВЧК і супрацоўнік Аддзела па барацьбе са службовымі злачынствамі, памочнік Ф.Дзяржынскага. У 1919—24 начальнік аховы Леніна, член калегіі ВЧК—АДПУ, потым на аператыўнай і гаспадарчай рабоце ў НКВД СССР.

Літ.: ЭГБ, т. 1.