АНТАНІКОЎСКІ Аляксандр Мікалаевіч

[23.11.1888, ? — 1937, НКВД], дзяржаўны дзеяч БССР. Пасля абвяшчэння Беларускай ССР 1.1.1919 увайшоў у склад Часовага работніцка-сялянскага савецкага ўрада Беларусі, з’яўляўся сакратаром яго прэзідыума. Адначасова быў рэдактарам газ. «Весткі Часовага работніцка-сялянскага Савецкага ўрада Беларусі». На 1-ым Усебеларускім з’ездзе Саветаў 2—3 лют. 1919 абраны членам і сакратаром Малога Прэзідыума ЦВК БССР. Пасля абвяшчэння Літоўска-Беларускай ССР у Чырвонай арміі ў палітаддзеле Зах. фронту. З 1922 у Цэнтральным Бюро КП(б)Б, нам. загадчыка агітацыйна-прапагандысцкага аддзела. З 1928 рэктар Віцебскага ветэрынарнага інстытута. У 1937 арыштаваны НКВД БССР і асуджаны да ВМП. Расстраляны. Рэабілітаваны.

Літ.: ЭГБ, т. 1.