АЛЯКСЕЕВА (КУДЗЕЛЬКА) Уладзіслава Мікітаўна

[1901, в. Кабылля Вілейскага пав. Віленскай губ., цяпер в. Кастрычніцкая Вілейскага р-на Мінскай вобл. — ?], бактэрыёлаг, жонка Іосіфа Кудзелькі. З сялянскай сям’і. Атрымала вышэйшую адукацыю. Падчас арышту бактэрыёлаг Мінскага мясакамбіната. Арыштавана 5.11.1937 у Мінску па адрасе: Койданаўскі тракт, д. 29, кв. 1. Асуджана асобай нарадай пры НКВД 29.11.1937 як «член сям’і расстралянага здрадніка радзімы» да 8 гадоў папраўча-працоўных работ. У студз. 1938 этапавана (з Аршанскай турмы) ў Акмолінскае аддзяленне Карагандзінскага канцлагера НКВД Казахскай ССР. 15.8.1938 пераведзена ў Сярэдне-Азіяцкі канцлагер НКВД Узбекскай ССР. Рэабілітавана 8.12.1943. Вызвалена 10.1.1944. Далейшы лёс невядомы. Асабовая справа А. № 7253-с захоўваецца ў архіве КДБ Беларусі.

Кр.: Хранить вечно.

Кр. геагр.: Рапановіч. Слоўнік геаграфічных назваў.