ГУРАЛЬНІК Іосіф Майсеевіч

[31.1.1895, мяст. Хадаркоў Кіеўскай губ., цяпер Украіна — 4.11.1937, Мінск, НКВД], педагог. З сям’і службоўца. Атрымаў вышэйшую адукацыю. Выкладаў у Беларускай дзяржаўнай кансерваторыі. Арыштаваны 24.9.1937 у Мінску па адрасе: вул. Ленінская, д. 25, кв. 9. Асуджаны «тройкай» НКВД 1.11.1937 «за контррэвалюцыйную дзейнасць» да ВМП. Расстраляны. Рэабілітаваны трыбуналам Ленінградскай ВА 11.9.1957. Асабовая справа Г. № 11321-с захоўваецца ў архіве КДБ Беларусі.