ЗАЛЕЎСКІ Караль Мікалаевіч

[25.4.1907 в. Мінкі Пружанскага пав. Гродзенскай губ., цяпер Пружанскі р-н Брэсцкай вобл. — ?], музыкант. З бел. сялянскай сям’і. Атрымаў сярэднюю спецыяльную адукацыю. Да арышту музыкант Слонімскага Дома культуры. Арыштаваны 15.12.1939. Асуджаны 2.7.1940 асобай нарадай НКВД за «нелегальны пераход дзяржаўнай мяжы» да 3 года ППК. Этапаваны ў адзін з канцлагераў НКВД Комі АССР. Вызвалены 10.11.1941, верагодна, па амністыі для польскіх грамадзян. Далейшы лёс невядомы. Рэабілітаваны 10.9.1992 пракуратурай Гродзенскай вобл. Асабовая справа З. № П-14703 захоўваецца з фотаздымкам ў архіве УКГБ Гродзенскай вобл.

Кр. геагр.: Волости и важнейшие селения; Рапановіч. Слоўнік геаграфічных назваў.