КАЛЯНКОЎСКІ Пётр Сямёнавіч

[1909, Варшава — 10.3.1938, Масква, НКВД], навучэнец. З бел. сям’і. Меў незакончаную вышэйшую адукацыю. Арыштаваны 5.10.1937 у Маскве па адрасе: вул. 2-я Возніцкая, д. 29, корп. 5, пакой 124. Асуджаны камісіяй НКВД і пракуратуры СССР 15.2.1938 за «ўдзел у контррэвалюцыйнай фашысцкай групе» і за «антысавецкую агітацыю сярод студэнтаў» да ВМП. Расстраляны на палігоне НКВД «Аб’ект Бутава». Рэабілітаваны ваеннай калегіяй Вярхоўнага суда СССР 14.9.1989.

Кр.: Бутовский Полигон.