ІВАНОЎСКІ Станіслаў Феліксавіч

[1903, Мінск — ?], навуковец. З сям’і рабочага. Атрымаў вышэйшую адукацыю. Працаваў загадчыкам аддзела Беларускай навукова-доследнай станцыі наркамата земляробства. Быў жанаты, гадаваў дваіх дзяцей. Падчас 2-й сусветнай вайны заставаўся на акупаванай тэрыторыі. Арыштаваны 31.8.1944 у Мінску па адрасе: вул. Магілёўская, д. 78, кв. 1. Асуджаны 24.11.1945 асобай нарадай пры НКВД за «дапамогу нямецкім акупантам» да 5 гадоў папраўча-працоўных работ. Этапаваны ва Унжэнскі (?) канцлагер НКВД Горкаўскай чыгуначнай дарогі. Далейшы лёс невядомы. Рэабілітаваны прэзідыумам Мінскага абл. суда 20.3.1990. Асабовая справа І. № 30615-с з фотаздымкам захоўваецца ў архіве КДБ Беларусі.