ГУРЭВІЧ Нохім Гіршавіч

[1895, в. Чараўня, цяпер Старадубскі р-н Бранскай вобл., Расія — 1937 (?), Мінск, НКВД], дзяржаўны дзеяч. З сям’і рабочага. У 1918—20 у Чырвонай арміі, уступіў у ВКП(б). У 1930-я г. член ЦК КП(б)Б, член ЦВК БССР. Апошняе месца работы — наркам унутранага гандлю БССР. Арыштаваны 17.7.1937 у Мінску. Асуджаны пазасудовым органам НКВД 30.10.1937 як «член тэрарыстычнай шпіёнскай арганізацыі» і за «падрыўную дзейнасць» да ВМП з канфіскацыяй маёмасці. Дата смерці дакладна невядома. Рэабілітаваны ваеннай калегіяй Вярхоўнага суда СССР 13.8.1957. Асабовая справа Г. № 10795-с захоўваецца ў архіве КДБ Беларусі.

Кр. геагр.: Административно-территориальное деление союзных республик.