ГЕРМАНОВІЧ Маркіян Якаўлевіч

[1895, в. Дзяменічы Брэсцкага пав. Гродзенскай губ., цяпер Жабінкаўскі р-н Брэсцкай вобл. — 20.9.1937, Масква, НКВД], вайсковец. З бел. сям’і. Атрымаў вышэйшую адукацыю. Уступіў у ВКП(б). Падчас арышту нам. камандуючага войскамі Ленінградскай ВА. Арыштаваны 7.8.1937 у Ленінградзе па адрасе: вул. Артылерыйская, д. 10, кв. 6. Асуджаны ваеннай калегіяй Вярхоўнага суда 20.9.1937 за «ўдзел у контррэвалюцыйнай тэрарыстычнай арганізацыі» да ВМП. Расстраляны і пахаваны разам з іншымі ахвярамі на Данскіх могілках. Рэабілітаваны 6.4.1957.

Кр.: Расстрельные списки: Донское кладбище. 1934—1940. М., 1993. Вып. 1.

Кр. геагр.: Рапановіч. Слоўнік геаграфічных назваў.

[From the book: vol. III, book 1, pp. 298–299]