ВЯЛОВІЧ Уладзімір Мікалаевіч

[1.3.1902, в. Бярозаўка Мінскай губ., цяпер Бярэзінскі р-н Мінскай вобл. — 5.1.1938, Полацк, НКВД], службовец, муж Людмілы Вяловіч. З бел. сялянскай сям’і. Атрымаў вышэйшую адукацыю. Працаваў планавіком Полацкай лесапрамысловай гаспадаркі. Уступіў у ВКП(б). Арыштаваны 13.7.1937. Асуджаны «тройкай» НКВД 17.12.1937 як «агент польскай разведкі» да ВМП. Расстраляны. Рэабілітаваны трыбуналам БВА 31.3.1970. Асабовая справа В. № 13805-п захоўваецца ў архіве УКДБ Віцебскай вобл.

Кр.: Назвы населеных пунктаў.