СКІРМУНТ Генрык

[1868, в. Моладава Кобрынскага пав. Гродзенскай губ., цяпер Іванаўскі р-н Брэсцкай вобл. — 20.9.1939], паэт, кампазітар. Пісаў на польскай мове. Вучыўся ў Пецярбургскай кансерваторыі, у Парыжы, Варшаве. Аўтар оперы «Пан Валадыёўскі» (паводле аднайменнага рамана Г.Сянкевіча), прэм’ера якой адбылася ў Львове (1902). Першы паэтычны зборнік «З вершаў і песень Генрыка Скірмунта» выйшаў у 1898. Перапісваўся з Э.Ажэшка. З 1920 жыў у маёнтку Моладава. Расстраляны савецкімі ўладамі.

Тв.: Poezja. T. 1—2. Warszawa, 1903—12.

Літ.: PSB; ЭГБ, т. 6-1.