К РУЧКОЎ Мікалай Прохаравіч

[1923, в. Папаратнае, цяпер Жлобінскі р-н Гомельскі вобл. – ?]. З сялянскай сям’і. Атрымаў сярэднюю адукацыю. Працаваў дырэктарам пачатковай школы в. Міткавічы Брэсцкай вобл. Быў жанаты, гадаваў дзіця. Арыштаваны 6.3.1951. Асуджаны асобай нарадай пры МДБ 21.12.1951 за “антысавецкую агітацыю” да 10 гадоў (пазней заменена на 4) ППЛ і 5 гадоў пазбаўлення правоў. Пакаранне адбываў у Пінскай турме. Вызвалены 24.11.1954. Далейшы лёс невядомы. Рэабілітаваны Вярхоўным Судом Беларусі 22.9.1993. Асабовая справа К. № 12482-с захоўваецца ў архіве УКДБ Брэсцкай вобл.