КІРКОР Уладзіслаў Ігнатавіч

[1886, в. Карчоўка Быхаўскага пав. Магілёўскай губ. – 12.4.1942, ГУЛАГ]. З сялянскай сям’і. У 1903–07 г. член РСДРП. Выйшаў з партыі дабраахвотна. Атрымаў вышэйшую адукацыю. Падчас арышту прафесар Горацкай сельскагаспадарчай акадэміі. Быў жанаты, гадаваў сына Вадзіма (7 гадоў). Арыштаваны 1.1.1933 у Горках па адрасе: Ленінскі праспект, д. 2, кв. 1. Асуджаны калегіяй АДПУ 8.5.1933 як “удзельнік контррэвалюцыйнай шпіёнска-дыверсійнай арганізацыі ў сістэме наркамата земляробства БССР” да 10 гадоў ППЛ. Этапаваны ў Рыбінскі лагер АДПУ Яраслаўскай вобл. Загінуў у зняволенні. Рэабілітаваны трыбуналам БВА 16.7.1958. Групавая справа К. і інш. № 11070-с захоўваецца ў архіве КДБ Беларусі.