КАЦЭЙКА Таццяна Аляксандраўна

[1922, пас. Вадзіна, цяпер Смаленская вобл., Расія – ?]. З сялянскай сям’і. Мела незакончаную вышэйшую адукацыю. Падчас 2-й сусветнай вайны заставалася на акупаванай тэрыторыі, працавала настаўніцай пачатковай школы мяст. Рось Ваўкавыскага р-на Гродзенскай вобл. Арыштавана 11.8.1947. Асуджана 24.7.1948 асобай нарадай пры МДБ за “службу ў нямецкай арміі” (?) да 10 гадоў ППЛ. Рэабілітавана 14.4.1955. Асабовая справа К. № п-6099 захоўваецца ў архіве УКДБ Гродзенскай вобл.