КАРАНЕВІЧ Васіль Макаравіч

[1919, в. Кірава Слуцкага пав. Мінскай губ., цяпер Слуцкі р-н Мінскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам няпоўнай СШ в. Вялікая Сліва Слуцкага р-на. Быў жанаты, гадаваў дзіця. Падчас 2-й сусветнай вайны заставаўся на акупаванай тэрыторыі. Арыштаваны 10.1.1945. Асуджаны 27.6.1946 асобай нарадай пры МДБ за “дапамогу нямецкім уладам” да 4 гадоў ППЛ. Этапаваны ў Вяцкі лагер МДБ Кіраўскай вобл. (пас. Руднічны). Далейшы лёс невядомы. Рэабілітаваны Пракуратурай Беларусі 17.12.1992. Групавая справа К. і інш. № 35052-с захоўваецца ў архіве КДБ Беларусі.