КАЛТЫГІН Іван Ігнатавіч

[1876, в. Жданавічы Горац-кага пав. Магілёўскай губ., цяпер Дрыбінскі р-н Магілёўскай вобл. – ?]. З сялянскай сям’і. У 1910-я г. член праўлення Жданавіцкага крэдытнага таварыства Чавускага пав. Магілёўскай губ. У 1920-я г. працаваў настаўнікам у роднай вёсцы. Быў жанаты, гадаваў дзіця. Арыштаваны 8.2.1930. Абвінавачваўся ў “антысавецкай дзейнасці”. 22.3.1930 справа К. (групавая, № 8858; захоўваецца ў архіве УКДБ Магілёўскай вобл.) спынена, а ён вызвалены. Далейшы лёс невядомы.