КАЗАК Кандрат Ільіч

[1911, в. Кальчыцы Слуцкага пав. Мінскай губ., цяпер Слуцкі р-н Мінскай вобл. – ?]. З сялянскай сям’і. Атрымаў вышэйшую адукацыю. Працаваў настаўнікам няпоўнай СШ ў роднай вёсцы. Быў жанаты, меў двое дзяцей. Удзельнічаў у 2-й сусветнай вайне. Арыштаваны 2.12.1948. Асуджаны 24.6.1950 асобай нарадай пры МДБ за “антысавецкую агітацыю” і “здраду радзіме” да 25 гадоў ППЛ (заменена на 5 гадоў). Этапаваны ў Рачны лагер МДБ Комі АССР (Варкута). Вызвалены 30.5.1955. Далейшы лёс невядомы. Рэабілітаваны пракуратурай БВА 6.8.1996. Асабовая справа К. № 36875-с захоўваецца ў архіве КДБ Беларусі.