ЕЛЬЯШЭВІЧ Ганна Андрэеўна

[1916, мяст. Лебедзева Вілейскага пав. Віленскай губ., цяпер Маладзечанскі р-н Мінскай вобл. – ?]. З сялянскай сям’і. Атрымала сярэднюю адукацыю. Працавала настаўніцай няпоўнай СШ ў родным мястэчку. Падчас 2-й сусветнай вайны заставалася на акупаванай тэрыторыі. Арыштавана 24.10.1944. Асуджана 11.1.1945 асобай нарадай пры НКВД за “пасобніцтва нямецкім акупацыйным уладам” да 4 гадоў ППЛ. Этапавана ў Паўночна-чыгуначны лагер НКВД Комі АССР. Далейшы лёс невядомы. Рэабілітавана пракуратурай Мінскай вобл. 14.1.1992. Асабовая справа Е. № 31925-с захоўваецца ў архіве КДБ Беларусі.