ГРАЎС Эдуард Іванавіч

[1907, в. Крынкі Аршанскага пав. Магілёўскай губ., цяпер Лёзненскі р-н Віцебскай вобл. – 22.5.1938, Віцебск (?), турма НКВД]. З латышскай сям’і. Атрымаў сярэднюю адукацыю. Працаваў загадчыкам вучэбнай часткі школы в. Уна Лёзненскага р-на. Быў жанаты, гадаваў двое дзяцей. Арыштаваны 28.11.1937. Асуджаны 16.4.1938 тройкай НКВД за “контррэвалюцыйную дзейнасць” да ВМП. Расстраляны. Рэабілітаваны трыбуналам БВА 29.10.1957. Асабовая справа Г. № 7546-п захоўваецца ў архіве УКДБ Віцебскай вобл.