ВОЛАС Пётр Міхайлавіч

[1914, в. Шані Пружанскага пав. Гродзенскай губ., цяпер Пружанскі р-н Брэсцкай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам школы в. Ялова Пружанскага р-на. Падчас 2-й сусветнай вайны заставаўся на акупаванай тэрыторыі. Арыштаваны 7.11.1944. Асуджаны 27.1.1945 ваенным трыбуналам войск НКВД Брэсцкай вобл. як “удзельнік антысавецкай арганізацыі “Беларускае нацыянальнае аб’яднанне” да 10 гадоў ППЛ з канфіскацыяй маёмасці. Далейшы лёс невядомы. Рэабілітаваны прэзідыумам Брэсцкага абл. суда 22.1.1970. Асабовая справа В. захоўваецца ў ДА Брэсцкай вобл. (ф. 793, в. 1, с. 149, л. 1–7).