ЦЕЛЯНКОЎ (ТЕЛЕНКОВ) Ісак Дзянісавіч

[1881, в. Любіж Горацкага пав. Магілёўскай губ., цяпер Горацкі р-н Магілёўскай вобл. — ?], царкоўнаслужыцель. Беларус. З сялянскай сям’і. У 1920-я г. служыў у Пакроўскай царкве в. Збышын Быхаўскага пав. Магілёўскай губ., цяпер Кіраўскі р-н Магілёўскай вобл. Быў жанаты, меў трое дзяцей. Арыштаваны 6.2.1930. Асуджаны 9.3.1930 са святарамі Пятром Цэрбалёвым, Аляксіем Шубадзёравым і актыўнымі прыхаджанамі асобай нарадай пры АДПУ за «антысавецкую прапаганду» дa 5 гадоў ППК. Далейшы лёс невядомы. Рэабілітаваны 16.1.1989 указам прэзідыума Вярхоўнага савета БССР. Групавая справа Ц. і інш. № 13496 захоўваецца ў архіве КДБ Магілёўскай вобл.

Кр.: НАРБ, ІКБР; БНДЦЭД.