СОЙЧАНКА (СОЙЧЕНКО) Пётр Васілевіч

[1882, в. Галяні Магілёўскага пав., цяпер Магілёўскі р-н — ?], свяшчэннаслужыцель. Беларус. У 1920-я г. настаяцель Троіцкай царквы в. Гарадзішча Быхаўскага пав., цяпер Магілёўскі р-н. Арыштаваны 14.11.1932. Асуджаны 16.12.1932 тройкай НКВД за «антысавецкую дзейнасць» да 8 гадоў ППК.

Разам з С. арыштаваны і асуджаны яго сын Фёдар Сойчанка (н. ў 1912 у в. Галяны). Далейшы іх лёс невядомы. Рэабілітаваны 16.1.1989 пастановай прэзідыума Вярхоўнага суда СССР. Групавая справа сям’і С. і актыўных прыхаджан № 12237 захоўваецца ў архіве УКДБ Магілёўскай вобл.

Кр.: НАРБ, ІКБР.