ПАШЫН (ПАШИН) Васілій Дзмітрыевіч

[1865, в. Храпавічы Віцебскага пав. — ?], святар. Беларус. З сям’і свяшчэннаслужыцеля. Скончыў духоўную семінарыю, рукапаложаны ў іерэя (1886). Служыў другім святаром у саборы Раства Хрыстова ў Себежы Віцебскай губ., цяпер Пскоўская вобл., Расія, выкладаў Закон Божы ў Себежскім гарадскім 4-класным вучылішчы. Арыштаваны 25.11.1929. Асуджаны 13.1.1930 з шэрагам інш. святароў Полацка-Віцебскай епархіі асобай нарадай пры АДПУ за «антысавецкую агітацыю» дa 5 гадоў ППК. Далейшы лёс невядомы. Рэабілітаваны 21.8.1989 пракуратурай Віцебскай вобл. Асабовая справа П. захоўваецца ў архіве УКДБ Віцебскай вобл.

Кр.: Памятная книжка Витебской губернии; НАРБ, ІКБР.

[Паводле кнігі: т. II, с. 155]