ШУБАДЗЁРАЎ Аляксій Іванавіч

(гл.: т. ІІ, с.394, 408).

Беларус. З духоўнага саслоўя. Н. ў 1896 у в. Цёплае Быхаўскага пав. Магілёўскай губ., цяпер Чавускі р-н Магілёўскай вобл. Скончыў духоўную семінарыю (?). Быў жанаты, гадаваў трое дзяцей. Арыштаваны 19.1.1930 у роднай вёсцы. Асуджаны калегіяй АДПУ 9.3.1930 за «антысавецкую агітацыю» і як «удзельнік контррэвалюцыйнай арганізацыі» да 5 гадоў ППК. Далейшы лёс невядомы. Рэабілітаваны пракуратурай Магілёўскай вобл. 14.7.1989. Асабовая Групавая справа Ш. і інш. № 10336-сн захоўваецца ў архіве УКДБ Магілёўскай вобл.

Кр.: НАРБ, ІКБР.

[Паводле кнігі: т. II, с. 531–532]