КРЫКУНОЎ (КРИКУНОВ) Аляксандр Іванавіч

[1899, Мінск (паводле інш. звестак 1895, в. Водзіна Мінскай губ.). — ?]. Беларус. З сялянскай сям’і. Да арышту дыякан Петра-Паўлаўскага кафедральнага сабора ў Мінску. Быў жанаты, гадаваў дзіця. Арыштаваны 27.3.1927. Асуджаны 17.6.1927 са свяшчэннаслужыцелямі Мінскай епархіі Міхаілам Лукашэвічам, Антоніем Царанковым і інш. асобай нарадай пры АДПУ за «антысавецкую агітацыю» дa 3 гадоў ППК. Этапаваны ў Салавецкі канцлагер АДПУ Карэльскай АССР (Кем). Пасля вызвалення (16.8.1930) жыў у Маскве, працаваў на чыгунцы. Зноў арыштаваны 28.1.1937. Тройкай НКВД прыгавораны 16.8.1937 да 8 гадоў ППК. Далейшы лёс невядомы. Па першай справе (№ 28843-с; захоўваецца ў архіве КДБ Беларусі) рэабілітаваны 28.12.1989 пракуратурай Мінскай вобл., па другой 19.12.1958 Вярхоўным судом СССР.

Кр.: Белая книга.