КАБЫШКА (КОБЫШКО) Пракопій Карпавіч

[1879, в. Ржаўка Лепельскага пав. Віцебскай вобл., цяпер Бешанковіцкі р-н Віцебскай вобл. — ?], свяшчэнна- або царкоўнаслужыцель. Беларус. З сялянскай сям’і. Скончыў Віцебскую духоўную семінарыю (?). Служыў у адным з храмаў Полацка-Віцебскай епархіі. Быў жанаты, гадаваў чацвёра дзяцей. Арыштаваны 19.12.1929 у роднай вёсцы. Асуджаны 16.6.1930 з шэрагам святароў асобай нарадай пры АДПУ за «антысавецкую агітацыю» дa 3 гадоў высылкі. 11.3.1933 тройкай АДПУ Заходне-Сібірскага краю прыгавораны да 3 гадоў пазбаўлення права жыць у 12 населеных пунктах. Далейшы лёс невядомы. Рэабілітаваны 27.11.1989 пракуратурай Віцебскай вобл. Асабовая справа К. № 21054-п захоўваецца ў архіве УКДБ Віцебскай вобл.

Кр.: БНДЦЭД.