ЗЯНЬКОВІЧ (ЗЕНЬКОВИЧ) Анатолій Паўлавіч

[1876, в. Раманава Горацкага пав. Магілёўскай губ., з 1918 пас. Леніна Горацкага р-на Магілёўскай вобл. — 30.9.1937, Орша (ці Віцебск), турма НКВД]. Беларус. З сялянскай сям’і. Скончыў духоўную семінарыю, рукапаложаны ў іерэя. У 1930-я г. настаяцель Петра-Паўлаўскай царквы ў мяст. Абольцы Аршанскага пав. Магілёўскай губ., цяпер Талачынскі р-н Віцебскай вобл. Арыштаваны 5.8.1937. Асуджаны 15.9.1937 з шэрагам святароў Полацка-Віцебскай епархіі тройкай НКВД за «антысавецкую агітацыю» дa ВМП з канфіскацыяй маёмасці. Расстраляны. Рэабілітаваны 19.4.1989 пракуратурай Віцебскай вобл. Групавая справа З. і інш. захоўваецца ў архіве УКДБ Віцебскай вобл.

Кр.: БНДЦЭД.