ЗУБАР (ЗУБАРЬ) Максім Сільвестравіч

[1881, в.  Стрэлка, цяпер тэрыторыя Полацкага р-на Віцебскай вобл. (вёска не існуе) — ?], царкоўнаслужыцель. Беларус. З сялянскай сям’і. У 1920-я г. служыў у  Спаса-Праабражэнскай царкве ў мяст. Асвея Дрысенскага пав. Віцебскай губ., цяпер Верхнядзвінскі р-н Віцебскай вобл. Арыштаваны 1.9.1932. Асуджаны 8.1.1933 асобай нарадай пры АДПУ за «групавую антысавецкую контррэвалюцыйную дзейнасць» дa 3 гадоў высылкі ў  Паўночны край. Далейшы лёс невядомы. Сям’я З. таксама выслана. Рэабілітаваны 22.6.1989 пракуратурай Віцебскай вобл. Асабовая справа З. № 15166-п захоўваецца ў архіве УКДБ Віцебскай вобл.

Кр.: НАРБ, ІКБР.