СЕМЯНЯКА Уладзімір Іванавіч

[лют. 1896, в. Азёры Гродзенскага пав., цяпер Гродзенскі р-н — ?], фотакарэспандэнт. З сялянскай сям’і. Атрымаў сярэднюю адукацыю. Працаваў у газ. «Калгаснік Беларусі». Арыштаваны 16.3.1933 у Мінску па адрасе: вул. Інтэрнацыянальная, д. 14, кв. 3. Асуджаны паводле пастановы калегіі АДПУ 28.4.1933 за «антысавецкую дзейнасць» да 5 гадоў ППК. Далейшы лёс невядомы. Рэабілітаваны пракуратурай БССР 21.7.1989. Асабовая справа С. № 31378-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.

[Паводле кнігі: т. III, кн. 2, с. 286]