СТАЛІЦКАЯ Міра Іосіфаўна

[25.9.1911, мяст. Вішнева Ашмянскага пав. Віленскай губ., цяпер Смаргонскі р-н Гродзенскай вобл. — ?], бібліятэкар. З сям’і службоўца. Атрымала вышэйшую адукацыю. Працавала ў бібліятэцы парткабінета Політэхнічнага інстытута. Была замужам, гадавала дзіця. Арыштавана 24.8.1937 у Мінску па адрасе: вул. Берсана, д. 312, кв. 7. Асуджана 8.1.1938 за «контррэвалюцыйную дзейнасць» да 10 гадоў ППК. Этапавана ў Янскі (?) канцлагер МДБ Якуцкай АССР. Вызвалена 25.12.1945. Рэабілітавана. Далейшы лёс невядомы. Асабовая справа С. № 14835-с захоўваецца ў архіве КДБ Беларусі.

Кр. геагр.: Волости и важнейшие селения; Рапановіч. Слоўнік геаграфічных назваў.

[Паводле кнігі: т. III, кн. 2, с. 306]