САСОНКА Франц Іпалітавіч

[1923, в. Загорцы Ашмянскага пав. Віленскага ваяв., цяпер Валожынскі р-н Мінскай вобл. — ?], музыкант. З сялянскай сям’і. Меў незакончаную сярэднюю спецыяльную адукацыю. Арыштаваны 17.9.1940 у в. Загарук (?). 1.2.1941 асуджаны асобай нарадай пры НКВД як «член антысавецкай арганізацыі» да 8 гадоў ППК. Этапаваны ў Варкуцінскі канцлагер НКВД Комі АССР. Далейшы лёс невядомы. Рэабілітаваны пракуратурай БССР 21.7.1989. Асабовая справа С. № 26498-с з фотаздымкам захоўваецца ў архіве КДБ Беларусі.

Кр. геагр.: Волости и важнейшие селения; Рапановіч. Слоўнік геаграфічных назваў.

[Паводле кнігі: т. III, кн. 2, с. 279]